ກອງປະຊຸມສະຫຼຸບໂຄງການນີ້ໄດ້ເຊື້ອເຊີນທຸກພາກສ່ວນທີ່ກ່ຽວຂ້ອງເຂົ້າຮ່ວມ

 

ກອງປະຊຸມສະຫຼຸບໂຄງການນີ້ໄດ້ເຊື້ອເຊີນທຸກພາກສ່ວນທີ່ກ່ຽວຂ້ອງເຂົ້າຮ່ວມເພື່ອ (1) ນຳສະເໜີຜົນສຳເລັດຂອງໂຄງການ ລວມທັງການປະຕິບັດທີ່ດີ ແລະ ວິທີການທີ່ໄດ້ຮັບການພິສູດຜົນທີ່ໂຄງການໄດ້ນຳໃຊ້; (2) ປຶກສາຫາລືບັນດາບົດຮຽນທີ່ຖອດຖອນໄດ້, ສິ່ງທ້າທາຍ ແລະ ວິທີແກ້ໄຂ; ແລະ (3) ສະເໜີຍຸດທະສາດຫຼັງສຳເລັດໂຄງການ ແລະ ຂົງເຂດເພື່ອການສືບຕໍ່ສະໜັບສະໜູນສະຖາບັນ, ພ້ອມທັງເສີມສ້າງຄວາມເຂັ້ມແຂງຂອງຍຸດທະສາດດັ່ງກ່າວໂດຍການຮັບເອົາຄໍາຄິດເຫັນຈາກພາກສ່ວນກ່ຽວຂ້ອງ.

ໃນລະຫວ່າງກອງປະຊຸມສະຫຼຸບໂຄງການນີ້, ທ່ານ ຄໍາບູນ ດວງພະບາງ, ຮອງເຈົ້າແຂວງອັດຕະປື, ໃນຖານະທີ່ເປັນປະທານກອງປະຊຸມ, ຮັບຮູ້ວ່າ ໂຄງການດັ່ງກ່າວໄດ້ຖືກສ້າງຂຶ້ນ ແລະ ຈັດຕັ້ງປະຕິບັດມາແຕ່ເດືອນ ສິງຫາ 2020 ເປັນຕົ້ນມາ ເພື່ອຍົກລະດັບຄວາມທົນທານຕໍ່ດິນຟ້າອາກາດໃຫ້ແກ່ລັດຖະບານ ສປປ ລາວ ແລະ ປະຊາຊົນແຂວງອັດຕະປື ໂດຍສະເພາະຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມໃນປີ 2018. ທ່ານຍັງໄດ້ຍົກໃຫ້ເຫັນຕື່ມວ່າ ເປົ້າໝາຍສູງສຸດແມ່ນເພື່ອເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນກວ່າຕອນກ່ອນເກີດໄພພິບັດ, ໂດຍຜ່ານການປັບປຸງຜົນຜະລິດກະສິກໍາ, ການເຮັດກະສິກໍາທີ່ມີຄວາມທົນທານຕໍ່ດິນຟ້າອາກາດ, ການພັດທະນາສີມືແຮງງານ, ການຄຸ້ມຄອງຄວາມສ່ຽງໄພພິບັດ ທີ່ສອດຄ່ອງກັບບັນດາບູລິມະສິດການພັດທະນາກະສິກໍາຂອງລັດຖະບານ. ທ່ານຍັງໄດ້ເນັ້ນວ່າ ຖ້າປາສະຈາກການສະໜັບສະໜູນດ້ານເຕັກນິກຈາກອົງການ FAO ແລະ ການປະກອບສ່ວນດ້ານທຶນຮອນຈາກອົງການ KOICA, ຊີວິດການເປັນຢູ່ຂອງປະຊາຊົນທີ່ດຳລົງຊີວິດຢູ່ໃນຂົງເຂດເປົ້າໝາຍກໍຍາກທີ່ຈະໄດ້ຮັບການຟື້ນຟູໃຫ້ດີຂຶ້ນ.

During the final workshop, Mr. Khamboun Duangpabang , Vice Provincial Governor of Attapeu as the chair acknowledged that the project was formulated and implemented since August 2020 to enhance the climate resilience of the Government of Lao PDR and the Attapeu community, particularly those affected by the flooding in 2018. He highlighted that the ultimate goals were to make people’s lives better than before the disaster, through improvements in agriculture productivity, climate resilient farming practice, skills development, and disaster risk management in line with the Government agriculture development priorities. He expressed that without the technical support from FAO and financial contribution from KOICA, the livelihoods of those living in the target areas would hardly be lifted.

                  Honored to be the host of the English section at the event